Сектораралық және ведомствоаралық өзара іс-қимылды дамыту шеңберінде Солтүстік Қазақстан облысындағы«Қазақстандағы ТБ тоқтатайық» Өңірлік әріптестік бөлімшесі өңірдің негізгі медициналық ұйымдарымен Өзара түсіністік және ынтымақтастық туралы меморандумдар жасасты:
- Петропавл қаласының №1 қалалық емханасы
- Петропавл қаласының №2 қалалық емханасы
- Петропавл қаласының №3 қалалық емханасы
- СҚО АИТВ-инфекциясының алдын алу жөніндегі облыстық орталығы
Қол қойылған келісімдер ДДҰ-ның «End TB 2016–2035»стратегиясының мақсаттарына қол жеткізу бойынша күш-жігерді шоғырландыруға, соның ішінде туберкулезбен сырқаттанушылық пен өлім-жітімді азайтуға, сондай-ақ ТБ (К/КДТ-ТБ) көп және кең дәріге төзімділігінің таралуына қарсы тұруға бағытталған.
Меморандумдар шеңберінде тараптар келесі бағыттардағы ынтымақтастық туралы уағдаласты:
- туберкулезді және туберкулезді/АИТВ-коинфекциясын ерте анықтауды күшейту;
- халықты қорғау, коммуникация және әлеуметтік жұмылдыру;
- пациенттерді диагностикалау, емдеу және сүйемелдеудің заманауи тәсілдерін енгізу;
- туберкулез және АИТВ-мен ауыратын адамдарға қатысты стигма мен кемсітушіліктің төмендеуі;
- медициналық көмектің үздіксіздігі мен сапасын қамтамасыз ету, әсіресе халықтың осал топтары үшін.
Бұл келісімдер туберкулезге қарсы іс-шаралар жүйесіндегі алғашқы медициналық-санитарлық көмек пен АИТВ қызметінің маңызды рөлін атап көрсетеді және қоғамдық денсаулық сақтау саласындағы өңірлік әріптестікті нығайтады.
Тек бірлескен күш-жігермен біз болашақты туберкулезсіз жақындата аламыз.
