13-17 сәуір аралығында Солтүстік Қазақстан облысының «Облыстық фтизиопульмонология орталығы» ШЖҚ КМК медициналық ұйымды аккредиттеудің алдағы рәсімі шеңберінде аккредиттеу алдындағы даярлықтан өтті.
Бір апта ішінде мекемеде шақырылған сарапшылар жұмыс істеді, олар медициналық персоналға арналған оқыту семинарларын өткізді. Медициналық көмектің сапасы мен қауіпсіздігі стандарттарын енгізуге, сондай-ақ қызметкерлердің аккредиттеуден өтуге дайындық деңгейін арттыруға ерекше назар аударылды.
Дайындық барысында ойын трейсерлері ұйымдастырылды, мамандар практикалық және әдістемелік көмек көрсетті, типтік қателіктерді талдап, оларды жою бойынша ұсыныстар берді.
Сондай-ақ, стандарттарды сақтауды, медициналық құжаттаманы жүргізуді және құрылымдық бөлімшелер арасындағы өзара іс-қимыл деңгейін қоса алғанда, медициналық ұйымның қызметін жан-жақты бағалауға бағытталған аккредиттеу алдындағы мониторинг жүргізілді.
Медициналық ұйымды аккредиттеу-көрсетілетін қызметтердің сапасы мен қауіпсіздігін сырттай бағалаудың маңызды процесі. Ол мекеменің белгіленген ұлттық стандарттарға сәйкестігін растайды, пациенттердің сенімін арттырады және медициналық персоналдың жұмысын үнемі жетілдіруге ықпал етеді.
