«Солтүстік Қазақстан облысы әкімдігінің денсаулық сақтау басқармасы» КММ «Облыстық фтизиопульмонология орталығы» ШЖҚ КМК клиникалық-диагностикалық зертханасы ҚР СТ ISO 15189-2023 «Медициналық зертханалар. Сапа мен құзыреттілікке қойылатын талаптар» сәйкестікке ұлттық аккредиттеуден сәтті өтті.
«Аккредиттеу, аккредиттеу аттестаттарын қайта ресімдеу және ЕАЭО сәйкестікті бағалау жөніндегі органдардың бірыңғай тізілімінің ұлттық бөлігіне енгізу туралы» Ұлттық аккредиттеу орталығының 2026 жылғы 19 маусымдағы № 918-НҚ бұйрығына сәйкес біздің орталықтың клиникалық-диагностикалық зертханасы сапа мен құзыреттілікке халықаралық танылған талаптарға сәйкестігін растаған медициналық зертханалар қатарына енгізілді.
Аккредиттеуді алу біздің зертхана өз қызметін қазіргі заманғы сапа стандарттарына сәйкес жүзеге асыратынын, зертханалық зерттеулер нәтижелерінің дұрыстығы мен дәлдігін қамтамасыз ететінін, сондай-ақ Сапа менеджментінің тиімді жүйесін қолданатынын растау болып табылады.
ҚР СТ ISO 15189-2023 талаптарына сәйкестігі зертханалық процестерді ұйымдастырудың жоғары деңгейін, мамандардың кәсіби құзыреттілігін, техникалық жарақтандырылуын және пациенттердің қауіпсіздігі мен медициналық көмектің сапасын қамтамасыз етуге бағытталған барлық талаптардың сақталуын айғақтайды.
Бұл маңызды жетістік СҚО ОФПО ұжымының үйлесімді жұмысының, процестерді ұдайы жетілдірудің және қызметкерлердің өз жұмысына жауапкершілікпен қарауының нәтижесі болды.
Біздің орталықтың ұжымын аккредиттеуден сәтті өтуімен құттықтаймыз! Солтүстік Қазақстан облысы тұрғындарының денсаулығы үшін одан әрі кәсіби дамуды, жаңа жетістіктер мен табысты жұмыс тілейміз.
