Бүгін ҚР ДСМ ҰФҒО МжБ тобының мамандары Солтүстік Қазақстан облысына жұмыс сапарын аяқтауда, оның барысында өңірде туберкулезге қарсы көмекті ұйымдастыруды кешенді бағалау жүргізілді.
Жұмыстың соңғы күндерінде «Сенім Оңтүстік» ҮЕҰ өкілдерімен жұмыс кездесуі өтті, оның шеңберінде сектораралық өзара іс-қимыл, пациенттерді сүйемелдеу және емдеуге бейілділікті арттыру мәселелері талқыланды. Сарапшылар сондай-ақ Петропавл қ. МСАК медициналық ұйымдарының қызметіне мониторингті жалғастырды, Солтүстік Қазақстан облысының «Облыстық фтизиопульмонология орталығы» ШЖҚ КМК құрылымдық бөлімшелерінің жұмысын егжей-тегжейлі зерделеді, ОДКК отырысына қатысты.
Мониторингтік сапардың қорытындысы бойынша ҰФҒО директоры М.М. Аденовтың төрағалығымен, ҰФҒО мамандарының, аудандық ауруханалар мен қалалық МСАК ұйымдарының басшыларының, облыстың фтизиатр-дәрігерлерінің үйлестіру кеңесі өтті. Отырыс аралас форматта — жеке және бейнеконференция арқылы өтті.
Кездесу барысында сарапшылар өңірдің туберкулезге қарсы қызметі ұйымының мықты жақтарын атап өтіп, жүргізілген бағалау нәтижелерін ұсынды, сонымен бірге одан әрі жетілдіруді талап ететін жекелеген бағыттар белгіленді.
Сапар қорытындысы бойынша ҰФҒО мамандары практикалық ұсынымдар берді, қолданыстағы нормативтік құжаттардың талаптары түсіндірілді, проблемалық мәселелер талқыланды және оларды жою бойынша нақты шаралар ұсынылды. Осы ұсынымдарды орындау туберкулезге қарсы қызмет жұмысының тиімділігін арттыруға, медициналық көмекті ұйымдастырудың бірыңғай тәсілін қамтамасыз етуге және Солтүстік Қазақстан облысының тұрғындарына қызмет көрсету сапасын одан әрі арттыруға мүмкіндік береді.
