2026 жылғы 29-30 қазанда Алматы қаласында Қазақстан мен шет елдерден фтизиатрия саласындағы жетекші мамандарды, ғалымдар мен сарапшыларды біріктірген «Туберкулезді жою жолында: прогресс, сын-тегеуріндер мен жаңа мүмкіндіктер» атты халықаралық ғылыми-практикалық конференция өтуде.
Конференция жұмысына Солтүстік Қазақстан облысының облыстық фтизиопульмонология орталығының өкілдері – директор Қ.Б. Бижанов және клиникалық — диагностикалық зертхананың меңгерушісі Т.С. Исмагамбетова қатысуда.
Халықаралық іс-шараны Қазақстан Республикасының Ұлттық фтизиопульмонология ғылыми орталығы мен TB Alliance халықаралық ұйымы ұйымдастырды.
Конференция туберкулезбен күресудің заманауи тәсілдерін талқылау, халықаралық тәжірибе алмасу және жаңа ғылыми жетістіктермен танысу үшін маңызды алаңға айналды.
Қатысушылардың назарында – өзекті эпидемиологиялық жағдай, дәріге төзімді туберкулезді емдеудің қазіргі заманғы қысқа режимдерін енгізу, профилактикалық іс-шараларды жетілдіру, ауруды ерте анықтау және медициналық көмектің қолжетімділігін арттыру.
Бағдарламада инновациялық зертханалық диагностика мәселелері ерекше орын алды. Халықаралық сарапшылар зерттеудің заманауи молекулалық-генетикалық әдістерін, реттілік технологияларын, туберкулез микобактерияларының дәрілік тұрақтылығын анықтаудың жаңа мүмкіндіктерін, сондай-ақ зертханалық зерттеулердің сапа менеджменті жүйесін жетілдіру тәсілдерін ұсынады.
Осы деңгейдегі іс-шараларға қатысу өңірдің туберкулезге қарсы қызметін одан әрі дамыту үшін зор маңызға ие. Озық халықаралық тәжірибемен және заманауи ғылыми әзірлемелермен танысу туберкулезді диагностикалауды, емдеуді және алдын алуды жетілдіру үшін жаңа мүмкіндіктер ашады.
