2026 жылғы 4 қарашада Солтүстік Қазақстан облысының фтизиопульмонология облыстық орталығында медициналық триаж — пациенттерді медициналық көмек көрсетудің ауырлығы мен жеделдігі дәрежесі бойынша сұрыптау жүйесіне арналған кезекті дәрігерлік конференция өтті. Іс-шара ішкі процестерді жетілдіруге, медициналық көмектің сапасын арттыруға және пациенттердің қауіпсіздігін қамтамасыз етуге бағытталған аккредиттеуден кейінгі іс-шараларды іске асыру шеңберінде өтті.
Конференцияны СҚО ОФПО пациенттерді қолдау және ішкі аудит қызметінің басшысы Шахтарина Наталья Владимировна өткізді.
Конференция барысында медициналық триаждың негізгі қағидаттары, оның мақсаттары мен міндеттері, пациенттерді көмек көрсетудің жеделдігі дәрежесі бойынша жіктеудің қолданыстағы жүйелері, сондай-ақ пациенттердің жай-күйін бастапқы бағалау және одан әрі бағыттау алгоритмдері қаралды.
Қабылдау бөлімінде триажды ұйымдастыруға, өмірге қауіп төндіретін жағдайларды уақтылы анықтауға және пациенттерді медициналық көмек көрсету аймақтары бойынша дұрыс бөлуге ерекше назар аударылды.
Қатысушыларға триаждың негізгі міндеті, ең алдымен, жағдайы шұғыл араласуды қажет ететін пациенттерге уақтылы медициналық көмек көрсетуді қамтамасыз ету екенін еске салды. Бұл ретте қабылдау кезектілігі емес, пациенттің жағдайының ауырлығы айқындаушы фактор болып табылады.
Пациенттің қауіпсіздігі, уақтылы көмек көрсету және белгіленген алгоритмдерді сақтау біздің орталықтың жұмысында өзгермейтін басымдықтар болып қала береді.
