Солтүстік Қазақстан облысының фтизиопульмонология облыстық орталығында «Трансфузиялық терапияның иммуногематологиялық және инфекциялық қауіпсіздігі, қан компоненттерін ұтымды қолдану» тақырыбында дәрігерлік және мейірбикелік конференция өтті.
Дәрігерлік конференцияны СҚО ОФПО анестезиология және реаниматология тобының аға дәрігері, біліктілігі жоғары санатты анестезиолог — реаниматолог дәрігер, трансфузиолог Виктор Александрович Ширин өткізді. Орта медициналық персоналды оқытуды Трансфузиология кабинетінің мейігері Наиль Нафисович Гиндуллин жүргізді.
Трансфузиялық терапия клиникалық хаттамаларды қатаң сақтауды, зертханалық бақылауды және процедураның барлық кезеңдерін дәйекті орындауды талап ететін заманауи медициналық көмектің маңызды құрамдас бөлігі болып табылады. Оны жүргізудегі басты басымдық — пациенттің қауіпсіздігі және ықтимал асқынулардың алдын алу.
Конференция барысында қан құю қауіпсіздігін қамтамасыз етудің негізгі мәселелері қаралды және қан компоненттерін ұтымды және негізделген қолдануға ерекше назар аударылды.
Дәрігерлік және орта медициналық персонал үшін конференциялар өткізу трансфузиялық терапияға бірыңғай тәсілді қалыптастыруға, қызметкерлердің кәсіби құзыреттілігін арттыруға және клиникалық бөлімшелер мен зертханалық қызмет арасындағы өзара іс-қимылды нығайтуға ықпал етеді.
Мұндай білім беру іс-шаралары пациенттердің қауіпсіздігін қамтамасыз етуге, медициналық тәуекелдердің алдын алуға және клиникалық практиканың заманауи стандарттарын енгізуге бағытталған СҚО ОФПО-да медициналық көмектің сапасын үздіксіз жетілдірудің маңызды бөлігі болып табылады.
