Міндетті әлеуметтік медициналық сақтандыру жүйесі (МӘМС) — Қазақстан Республикасының заманауи денсаулық сақтау жүйесінің маңызды құрамдас бөлігі болып табылады. Ол халықты қолжетімді, уақтылы және сапалы медициналық көмекпен қамтамасыз етуге бағытталған.
МӘМС жүйесінің арқасында азаматтар бейінді мамандардың консультацияларын, диагностикалық тексерулерді, стационарлық және амбулаториялық емдеуді, сондай-ақ жоғары технологиялық медициналық көмекті қоса алғанда, медициналық қызметтердің кең спектрін ала алады. Бұл ретте қызметтердің едәуір бөлігі сақтандырылған тұлғалар үшін тегін көрсетіледі. МӘМС Қазақстан Республикасы азаматтарының сапалы медициналық көмекке қол жеткізуін қамтамасыз етеді.
МӘМС жүйесіне қатысу пациенттердің қаржылық жүктемесін азайтуға және медициналық қызмет көрсету деңгейін арттыруға мүмкіндік береді. Мемлекет халықтың әлеуметтік осал санаттары үшін жауапкершілікті өз мойнына алып, олардың сақтандыру мәртебесін қамтамасыз етеді. Айта кету керек, туберкулезді тексеру және емдеу сақтандыру мәртебесіне қарамастан, тегін медициналық көмектің кепілдік берілген көлемі (ТМККК) шеңберінде тегін жүргізіледі. Солтүстік Қазақстан облыстық фтизиопульмонология орталығында МӘМС қаражаты есебінен пульмонологиялық және торакалдық бейіндер бойынша пациенттер ем алады.
Денсаулыққа қамқорлық — бұл мемлекет, жұмыс берушілер және азаматтардың ортақ жауапкершілігі.
