Солтүстік Қазақстан облысының облыстық перинаталдық орталығында 2025 жылғы 15 қаңтарда жаңа туған балаларды вакцинациялау мәселелері бойынша медицина қызметкерлеріне арналған семинар өтті. Семинарға облыстың бас штаттан тыс фтизиопедиатры Г. Ж. Жармағамбетова қатысты.

Гүлмира Жайыққызы тыңдаушылардың назарына БЦЖ вакцинациясы туралы баяндама ұсынды. Баяндама барысында БЦЖ вакцинасының мәні мен ұғымдары, қою техникасы, қарсы көрсетілімдер, сондай-ақ вакцинацияланған балаларды бақылау қаралды.

БЦЖ вакцинациясы жаңа туған нәрестелерде туберкулезді белсенді алдын алу үшін перзентханаларда жүргізіледі. Денеге енгеннен кейін БЦЖ вакцинасы жаңа туған нәрестенің иммундық жүйесін белсендіреді. Нәтижесінде ол ағзаға енген микробтық жасушаларға қарсы антиденелерді шығарады және оны инфекцияның қауіпті түрлерінен қорғайтын туберкулезге ұзақ мерзімді иммунитетті қалыптастырады.

БЦЖ вакцинациясы Қазақстан Республикасының Ұлттық профилактикалық егу күнтізбесіне сәйкес жүргізіледі. Егер қарсы көрсетілімдер болмаса, балаларға туылғаннан кейін 2-4 күн ішінде вакцинация қойылады, осылайша бұл ауыр ауруға қарсы иммунитет мүмкіндігінше ертерек қалыптасады

2024 жылы Солтүстік Қазақстан облысында 4194 бала дүниеге келді, оның ішінде босандыру мекемелерінде БЦЖ – 4081 балаға (97,31%) егілді.

Қазіргі уақытта БЦЖ – туберкулезден жалғыз қол жетімді тиімді және қауіпсіз вакцина.