2025 жылғы 15 және 16 қазанда Солтүстік Қазақстан облысы фтизиопульмонология облыстық орталығының мониторинг және бағалау тобы (БжМ) Петропавл қаласының №2 емханасына жұмыс сапарымен барды.

Сапардың негізгі мақсаты алғашқы медициналық-санитарлық көмек мекемесінде өткізілетін туберкулезге қарсы іс-шаралардың ұйымдастырылуы мен сапасын мониторингілеу және бағалау болды.

Екі күндік жұмыс барысында орталық мамандары туберкулезге күдікті симптомдары бар пациенттерді белсенді және уақтылы анықтау бойынша жұмысты талдап, медициналық құжаттаманы жүргізудің дұрыстығы мен толықтығын бағалады.

Мониторинг нәтижелері бойынша №2 емхананың медицина қызметкерлеріне практикалық көмек көрсетілді, мекемедегі туберкулезге қарсы іс-шараларды оңтайландыру және жұмысын жетілдіру бойынша ұсыныстар берілді.

Мұндай көшпелі іс-шаралар облыс халқына туберкулезге қарсы көмек көрсету сапасын арттыруға және мамандандырылған және алғашқы медициналық-санитарлық көмек арасындағы өзара іс-қимылды нығайтуға ықпал етеді.