Солтүстік Қазақстан облысының облыстық фтизиопульмонология орталығында АИТВ-инфекциясы, ЖИТС, сондай-ақ АИТВ-мен өмір сүретін адамдарды кемсіту және стигматизациялау мәселелері бойынша қызметкерлер үшін семинар өтті.
Спикер болып облыстық АИТВ-инфекциясының алдын алу орталығының дәрігер-эпидемиологы Раушан Катранқызы Есеркенова сөз сөйледі.Кездесу барысында АИТВ-инфекциясы туралы заманауи деректер, жұқтыру жолдары мен алдын алу шаралары, сондай-ақ АИТВ-мен өмір сүретін адамдарға төзімділік көзқарасын қалыптастырудың маңыздылығы қарастырылды.
Пациенттерді уақтылы диагностикалау, емдеу және әлеуметтік бейімдеу жолында елеулі кедергі болып қалатын стигматизация мен кемсітушілікке жол бермеу мәселелеріне ерекше назар аударылды.
АИТВ-ның алдын алу және стигманы жеңу мәселелері өзекті болып қала береді және медицина қызметкерлерінің хабардарлығын арттыру пациенттердің денсаулығы мен әл-ауқатын сақтауда маңызды рөл атқарады.
