Туберкулезге қарсы күрес айлығы аясында Солтүстік Қазақстан облысының Уәлиханов ауданында ауқымды ақпараттық-түсіндіру жұмыстары жүргізілді.
Іс-шаралармен халықтың түрлі санаттары қамтылды. Мамандар ауылдық мектептер мен балабақшаларда болып, балаларға денсаулықты сақтаудың, туберкулездің алдын алудың және уақтылы медициналық көмекке жүгінудің маңыздылығы туралы қолжетімді түрде айтып берді. «Уәлиханов ауыл шаруашылығы колледжі» КММ-де студенттер мен оқытушылармен дәрістер мен әңгімелер өтті.
Айлық аясында медицина қызметкерлері мен білім беру саласының қызметкерлері үшін семинарлар өткізілді. Қатысушыларға туберкулездің негізгі белгілері, диагностика мен алдын алудың заманауи әдістері түсіндірілді, сондай-ақ ауруды ерте анықтаудың маңыздылығы атап өтілді.
Жүргізілген жұмыс халықтың хабардарлығын арттыруға, өз денсаулығына жауапкершілікпен қарауды қалыптастыруға және туберкулездің алдын алу мәселелерінде ведомствоаралық өзара іс-қимылды нығайтуға бағытталған.
