Қазақстан Республикасының Денсаулық сақтау министрлігі Денсаулық сақтаудың зияткерлік платформасын (Health Intelligence Platform) — бүкіл ел бойынша медициналық ұйымдар, медицина қызметкерлері, жабдықтар мен инфрақұрылым туралы мәліметтерді біріктіретін Бірыңғай цифрлық жүйені енгізді.
Жаңа платформа нақты уақыт режимінде сенімді деректерді алуға, ресурстарды басқаруды жетілдіруге және медициналық ұйымдар жұмысының тиімділігін арттыруға мүмкіндік береді. Жүйенің басты артықшылықтарының бірі лицензиялық талаптарға сәйкестікті, медицина қызметкерлерінің біліктілігін және медициналық жабдықтармен қамтамасыз етілуін цифрлық бақылау болды.
Солтүстік Қазақстан облысының «Облыстық фтизиопульмонология орталығы» ШЖҚ КМК денсаулық сақтауды цифрлық трансформациялау шеңберінде де белсенді жұмыс істейді. Заманауи ақпараттық жүйелерді пайдалану ресурстарды тиімдірек басқаруға, деректердің өзектілігін сақтауға және көрсетілетін медициналық көмектің сапасын одан әрі арттыруға ықпал етеді. Бірыңғай ақпараттық кеңістік кадр ресурстары, медициналық техника және инфрақұрылым туралы мәліметтерді жедел өзектендіруге мүмкіндік береді, сондай-ақ денсаулық сақтау органдарымен тиімді өзара іс-қимылды қамтамасыз етеді.
Заманауи цифрлық құралдарды пайдалану медициналық көмекті ұйымдастыруды жетілдіруге, сенімді деректер негізінде басқару шешімдерін қабылдауға және пациенттер үшін одан да қауіпсіз және жайлы жағдай жасауға көмектеседі.
Толығырақ-бейнероликте.
