СҚО облыстық фтизиопульмонология орталығында аурухана кеңесі өтті, онда орталықтың 2025 жылдың бірінші тоқсанындағы жұмысының қорытындысы шығарылды.

Отырыс барысында мамандар қызметтің негізгі көрсеткіштерін, туберкулезбен күрестегі жетістіктер мен қазіргі сын-қатерлерді талқылады. Диагностика, емдеу және алдын алу шараларының нәтижелері талданды, сондай-ақ пациенттерге медициналық көмек көрсетудің сапасын арттыру мәселелері қаралды. 24 наурыз – Дүниежүзілік туберкулезбен күресу күніне арналған айлықты қорытындылауға ерекше назар аударылды.

Мұндай іс шараларды өткізу мекеменің тиімді жұмысын ұйымдастыруда маңызды рөл атқарады. Олар ағымдағы нәтижелерді бағалауға, проблемалық мәселелерді анықтауға және тез арада шешу жолдарын табуға мүмкіндік береді, бұл медициналық көмектің сапасын арттыруға және ұжым ішіндегі өзара әрекеттесуді жақсартуға көмектеседі.