2025 жылғы 28 наурызда Қазақстан Республикасы Ұлттық ұлан академиясында «СӨС» клубы аясында СҚО фтизиопульмонология орталығының фтизиатрлары Д.Ж. Карменова мен А.Б. Қайырбеков С. Мұқанов атындағы Солтүстік Қазақстан облыстық әмбебап ғылыми кітапханасымен бірлесіп ұйымдастырған «Еркін тыныс ал» әңгімелесу сағаты өтті. Іс-шара жыл сайын 24 наурызда атап өтілетін Дүниежүзілік туберкулезбен күресу күніне орайластырылды.

Кездесу барысында мамандар туберкулездің негізгі белгілері, оның алдын алудың, диагностикалаудың және емдеудің заманауи әдістері туралы егжей-тегжейлі айтып берді. Ауруды ерте анықтаудың маңыздылығына, сондай-ақ онымен байланысты мифтер мен қате түсініктерге ерекше назар аударылды. Іс-шараға қатысушылар халықтың қай топтары қауіпті екенін, өздерін және жақындарын қалай қорғау керектігін, сондай-ақ дәрігерге уақытында жүгіну сәтті емдеуде шешуші рөл атқаратынын білді.

Мұндай іс-шаралар туберкулез туралы хабардарлықты арттыруға ықпал етеді және адамдарды салауатты өмір салтын ұстануға, тұрақты медициналық тексерулерден өтуге және алдын алу шараларын сақтауға ынталандырады.