Солтүстік Қазақстан облысының фтизиопульмонология облыстық орталығында өрт қауіпсіздігі мәселелері бойынша қызметкерлерге тәжірибелік оқыту жүргізілді. Іс-шараның тақырыбы өрт туындаған кезде персоналдың іс-қимыл алгоритмі және алғашқы өрт сөндіру құралдарын пайдалану ережелері болды.
Оқыту барысында қызметкерлерге өрт туралы хабарлау тәртібі, өрт анықталған кездегі іс-қимылдар реттілігі, пациенттер мен персоналды қауіпсіз эвакуациялауды ұйымдастыру, сондай-ақ «Қызыл код» алгоритміне сәйкес міндеттерді бөлу туралы еске салынды.
Іс-шараның практикалық бөлігі өрт сөндіргіштерді қолдану дағдыларын дамытуға арналды. Қатысушылар олардың құрылғысымен, қолдану ережелерімен танысып, шартты өрт ошағын жою бойынша іс-қимылдарды тәжірибеде пысықтай алды.
Мұндай тренингтерді жүйелі түрде өткізу қызметкерлердің төтенше жағдайлардағы іс-қимылдарға дайындық деңгейін арттыруға, практикалық дағдыларды жетілдіруге және пациенттердің, келушілердің және медициналық ұйым қызметкерлерінің қауіпсіздігін қамтамасыз етуге ықпал етеді.
