Жыл сайын 12 желтоқсанда бүкіл әлемде БҰҰ Бас Ассамблеясы 2017 жылы жариялаған Денсаулық сақтау қызметтерімен жалпыға бірдей қамтудың халықаралық күні атап өтіледі. Бұл күн кездейсоқ таңдалмады–дәл осы күні 2012 жылы «Әлем халқының денсаулығы және сыртқы саясат» қарары қабылданды, ол денсаулық сақтау қызметтерімен жалпыға бірдей қамтуға қол жеткізу ісіндегі прогресті жеделдетуге шақырды. Бұл тұжырымдамаға енгізілген принциптер адамның қажетті медициналық қызметтерге қаржылық қиындықтарсыз қол жеткізуін болжайды және БҰҰ Тұрақты даму мақсатында бекітеді.

Медициналық көмектің қолжетімділігі — мемлекеттің маңызды әлеуметтік міндеттерінің бірі. Бұл әсіресе Қазақстан үшін – аумағы кең және халқы аз елді мекендер көп елдер үшін өзекті. Бүгінгі таңда сапалы медицинаға қол жеткізу аумақтық жақындықта медициналық мекеменің болуын ғана емес, сонымен қатар тұрғылықты жеріне қарамастан, әрбір азаматтың заманауи медициналық технологиялар деңгейінде уақтылы көмек алу мүмкіндігін білдіреді.

2025 жылғы мәліметтер бойынша, Солтүстік Қазақстан облысында 508 мемлекеттік медициналық мекеме жұмыс істейді, бұл халық үшін медициналық қызметтердің кең қолжетімділігін қамтамасыз етеді. Емханалардың, ауруханалардың, фельдшерлік-акушерлік пункттердің және дәрігерлік амбулаториялардың кең желісі қалалық және ауылдық елді мекендердің тұрғындарына уақтылы және толық көлемде консультациялар, диагностика және ем алуға мүмкіндік береді.

Медициналық қызметтердің қолжетімділігін жақсартуда тегін медициналық көмектің кепілдік берілген көлемі (ТМККК) шеңберінде өңір халқына қызмет көрсететін облыстық фтизиопульмонология орталығы (ОФПО) маңызды рөл атқарады. Солтүстік Қазақстан облысында аудандық ауруханалар жанынан 13 тубкабинет және алғашқы медициналық-санитарлық көмек (МСАК) желісінде 5 тубкабинет жұмыс істейді, бұл облыстың барлық тұрғындарын туберкулезге қарсы көмекпен қамтуды қамтамасыз етеді.

Біздің еліміз әрбір азаматтың тұрғылықты жері мен әлеуметтік мәртебесіне қарамастан лайықты, сапалы және уақтылы медициналық көмек алуына ұмтылады.