2024 жылғы 29 қазанда СҚО бас штаттан тыс фтизиопедиатры Г.Ж. Жармағамбетованың, СҚО ОФПО мамандарының және облыстың туберкулинодиагностиканы жоспарлауға жауапты учаскелік қызмет қызметкерлерінің қатысуымен онлайн-кеңес өтті.

Туберкулин диагностикасы 17 жасқа дейінгі балаларда туберкулезді және туберкулез қоздырғыштарын ерте анықтаудың негізгі әдісі болды және болып қала береді. Туберкулезді ерте анықтау мақсатында туберкулин диагностикасы:

- туберкулезбен ауыратын науқаспен байланыста болған балаларға (отбасылық, туыстық, мектеп (ұжымдық), пәтерлік және басқа да байланыстар;

- вакцинация және ревакцинация алдында 2 айдан асқан балаларға;

- жоғары қауіп-қатер тобынан балаларға жүргізіледі.

Туберкулез бойынша қауіп-қатер тобын тіркелген балалар санынан учаскелік педиатр немесе жалпы практика дәрігері қалыптастырады.

Кеңес барысында осы жас тобының ерекше осалдығына байланысты жасөспірімдерді туберкулин диагностикасы бойынша жоспарға енгізуге ерекше назар аударылды.

         Жалпы емдеу желісінің медицина қызметкерлерін үздіксіз оқыту қауіп-қатер жоғары топтар арасында туберкулин диагностикасының тиімділігін арттыруға ықпал етеді.